[ ]
Caria — Magnesia-on-the-Maeander (Ortaklar, nr.) — 205 BC — IvMagnesia 19; McC. Magn. 112 — Merk.-Staub., Jenseits Euphrat 305 — OGIS 232; Rigsby, Asylia 70
| 1 | βασιλεὺς Ἀντίοχος Μαγνήτων |
| τῆι βουλῆι καὶ τῶι δήμωι χαίρειν· Δη- | |
| μοφῶν καὶ Φιλίσκος καὶ Φέρης οἱ πα- | |
| ρ’ ὑμῶν πεμφθέντες πρὸς τὸν πατέ- | |
| 5 | ρα θεωροὶ ἕνεκεν τοῦ ἐπαγγεῖλαι |
| τὸν ἀγῶνα καὶ τἆλλα ἃ ἐψήφισται | |
| ὁ δῆμος συντελεῖν διὰ πενταετη- | |
| ρίδος τῆι ἀρχηγέτιδι τῆς πόλεως | |
| Ἀρτέμιδι Λευκοφρυηνῆι, ἀπέδωκαν | |
| 10 | καὶ τὸ πρὸς ἐμὲ ψήφισμα καὶ διελέχθη- |
| σαν μετὰ σπουδῆς ἀκολούθως τοῖς | |
| ἐν τούτωι κατακεχωρισμένοις, παρα- | |
| καλοῦντες ἀποδέξασθαι στεφανί- | |
| την ἰσοπύθιον τὸν ἀγῶνα ὃν τίθετε τῆι | |
| 15 | θεᾶι. ἔχοντος οὖν τοῦ πατρὸς περὶ |
| τοῦ δήμου τὴν φιλανθρωποτάτην δι- | |
| [άλη]ψιν καὶ ταῦτα ἀποδεδεγμένου, θέ- | |
| [λων κ]αὶ αὐτὸς ἀκολουθεῖν τῆι προαιρέ- | |
| [σει αὐτ]οῦ, νῦν τε ἀποδέχομαι τὰς ἐψη- | |
| 20 | [φισμένα]ς ὑφ’ ὑμῶν τιμὰς τῆι θεᾶι καὶ |
| [τὸ λ]ο[ι π]ὸν πειράσομαι κατακολουθῶν | |
| [τῆι τοῦ π]α[τρ]ὸς ὑφηγήσει συναύξειν ὑμῖν | |
| [ἐν οἷς ἂ]ν π[αρ]ακαλῆτε ἢ καὶ αὐτὸς ἐπινοῶ. | |
| ἔρρωσθε. |