Honorific decree of Iasos for Priene, a Prienian judge, and his secretary and response of Priene. Two non-joining fragments of a stele.
[ ]
Ionia — Priene — Sanct. of the Egyptian Gods — mid-190s BC — IvPriene (1906) 54 + p. 310 — IK Iasos 74
See also:
| {²remains of a laurel crown}² | |
| [ἔδοξεν τῆι] β̣ουλῆι καὶ τῶι δήμωι· πρυτ[άνεων γνώμη· περὶ ὧν ἐπῆλθον Ὑψοκλῆς] | |
| [Ἀριστοκρ]ίτου κ̣α̣ὶ Ἀ[ν]α̣ξαγόρας Θαλ[εύκτου φύσει δὲ Εὔκτου, ἵνα ἡ βουλὴ καὶ ὁ] | |
| [δῆμος βουλε]ύσητα̣ι, τίσιν [δε]ῖ τιμαῖς [τιμηθῆναι τὸν δῆμον τὸν Πριηνέων καὶ] | |
| [τὸν δικαστὴ]ν Καλλικράτην Ἀπολλωνί[ου καὶ τὸν γραμματέα Ἄτταλον Ἀττάλου], | |
| 5 | [δεδόχθαι τῆι] βουλῆι καὶ τῶι δήμωι· ἐπε[ιδὴ ὁ δῆμος ὁ Πριηνέων ἔν τε τοῖς πρότε]- |
| [ρον χρόνοις] εὔνους ὢν καὶ φίλος διε[τέλει καὶ νῦν ἀξιωσάντων ἡμῶν ἀποστεῖ]- | |
| [λαι δικαστὴν] ἀπέστειλεν ἄνδρα καλὸ[ν καὶ ἀγαθὸν Καλλικράτην Ἀπολλωνίου, ὃς παρα]- | |
| [γενόμενος πρ]ὸς ἡμᾶς τινὰς [μ]ὲν σ[υνέλυσε τῶν δικῶν οὐθὲν ἐλλείπων προθυμί]- | |
| [ας, ἀλλὰ πᾶ]σαν σπουδὴν ποιού[μενος, ἵνα συλλυθέντες οἱ ἀντίδικοι τὰ πρὸς αὑ]- | |
| 10 | [τοὺς μεθ’ ὁμον]οίας πολιτεύωντα[ι, τὰς δὲ διέκρινεν δικαίως, τήν τε ἄλλην] |
| [ἐνδημίαν ἐποιήσατο ἀπὸ παντὸς τοῦ βελτίστου ἀξίως ἀμφοτέρων τῶν πό]- | |
| [λεων· ἵνα οὖν καὶ ὁ δῆμος φαίνηται χάριν ἀποδιδοὺς τοῖς εὐεργετοῦσιν] | |
| [αὑτὸν καὶ οἱ λοιποὶ οἱ παραγινόμενοι δικάζειν εἰς τὴν πόλιν ζητῶσιν] | |
| [ἀξίως ἐπαίνου καὶ τιμῶν ποιεῖσθαι τὰς κρίσεις, εἰδότες ὅτι ὁ δῆμος τοὺς] | |
| 15 | [καλοὺς καὶ ἀγαθοὺς τῶν ἀνδρῶν ἐπαινεῖ τε καὶ τιμᾶι, ἐπῃνῆσθαι τὸν δῆμον] |
| [τὸν Πριηνέων ἀρετῆς ἕνεκεν καὶ εὐνοίας ἧς ἔχει εἰς τὴν πόλιν καὶ στε]- | |
| [φανῶσαι χρυσῶι στεφάνωι ἀπ]ὸ πλήθους τοῦ ἐκ τῶν νόμων, ὅτι αἰτ[ησαμένων] | |
| [ἡμῶν δικαστὴν ἀπέστειλεν ἄν]δρα καλὸν καὶ ἀγαθὸν [π]ερὶ τὰς κρίσεις· [ἐπῃνῆσθαι] δὲ [καὶ] | |
| [τὸν δικαστὴν Καλλικράτην Ἀπ]ολλωνίου ἀρετῆ[ς ἕν]ε̣κεν καὶ καλοκἀγ[αθίας ἐπὶ τῶι] | |
| 20 | [προστῆναι τῶν τε κρίσεων καὶ] τῶν συλλύσεων ἴσως καὶ δι[κ]α̣ίως· [ἐπαινέσαι δὲ καὶ] |
| [τὸν συνεξαποσταλέντα μετ’ αὐ]τοῦ γραμματέα Ἄτταλον Ἀττάλου ἐπὶ τ[ῶι τὴν κα]θ’ α[ὑτὸν] | |
| [χρείαν διωικηκέναι ἐπιμε]λῶς καὶ τὴν ἐνδημίαν πεποιῆ̣σθαι μετ[ὰ πάσης ε]ὐ[τα]- | |
| [ξίας· καὶ στεφανῶσαι τὸν μὲ]ν δικαστὴν χρυσῶι στεφάνωι ἀπὸ πλήθ[ους το]ῦ ἐκ τῶ[ν] | |
| [νόμων, τὸν δὲ γραμματέα] θαλλοῦ στεφάνωι· εἶναι δὲ αὐτοὺς κα̣ὶ π̣ρ̣[οξέ]νους τῆ̣ς | |
| 25 | [πόλεως· δεδόσθαι δὲ αὐτο]ῖς καὶ ἔφοδον ἐπὶ τὴν βουλὴν καὶ τὴν ἐκ[κλησίαν] πρώτοι[ς] |
| [μετὰ τὰ ἱερά· περὶ πολιτεία]ς δὲ αὐτοῖς καὶ ἐκγόνοις προγράψασθαι [τοὺς προστά]τας | |
| [καὶ τοὺς στρατηγοὺς ἐν το]ῖς ἐννόμοις χρόνοις· ἑλέσθαι δὲ καὶ πρε[σβευτ]ά̣ς, ο[ἵ]τ[ι]νες | |
| [παραγενόμενοι εἰς Πριήνην] τό τε ψήφισμα ἀποδώσουσιν καὶ π[αρα]καλ[έσ]ουσιν αὐτοὺ[ς] | |
| [εὔνους καὶ φίλους ὑπάρ]χοντας τῆς πόλεως τὴν α̣ὐτὴν αἵρεσιν ἔ̣χ[ειν πρ]ὸς τ[ὸν] | |
| 30 | [δῆμον· ἀξιώσουσιν δὲ καί, ἵνα] οἱ̣ [σ]τέφανοι ἀναγγελθῶσιν ἐν τῶ̣ι θε[άτ]ρωι [το]ῖ[ς πρ]ώτ̣[οις] |
| [Διονυσίοις καὶ τὸ ψήφισ]μα ἀναγραφῆι ἐν τῶι ἱερῶι τῆς Ἀθηνᾶς τῆς Πολιάδος, ἵν[α] | |
| [πᾶσιν φανερὸν ἦι, ὅτι ὁ δῆμο]ς ὁ Ἰα̣σέων καὶ τὰς πόλ[ε]ις καὶ τ̣οὺς ἄ̣νδρας τοὺς ἀγα- | |
| [θοὺς τιμᾶι· ἀναγράψαι δὲ τ]ὸ ψήφισμα τόδε καὶ παρ’ ἡμῖν ἐν τῶι ἱερῶι τῆς [Ἀ]ρτέμι- | |
| [δος. ἡιρέθησαν Ὑψ]οκλῆς Ἀριστοκρίτο[υ, Ἀ]ναξαγόρας Θα̣λεύκτου φύσει δὲ Ε̣ὔ[κ]το[υ]. | |
| vacat | |
| 35 | [ἔδοξεν τῶι δήμωι· γνώ]μη στρατηγῶν· ἐπειδὴ Ἰασεῖς [συ]γγενεῖς καὶ φίλοι̣ ὑπάρ- |
| [χοντες τῶι δήμωι ψήφισμα] καὶ πρεσβευτὰς ἀποστείλαντες [Ὑψ]οκλῆν Ἀρ[ιστο]κρίτου, | |
| [Ἀναξαγόραν Θαλεύκτου φ]ύσει δὲ Εὔκτου ἐμφανίζουσιν δ[ι]ότι ὁ ἀποσταλεὶς ὑ[πὸ] | |
| [τοῦ δήμου πρὸς αὐτοὺ]ς δικαστὴς Κα̣λλικράτης Ἀπολλωνίου τὰ[ς μὲ]ν συν[έλυσε] | |
| [τῶν δικῶν οὐθὲν ἐλλείπων πρ]οθυμ[ία]ς, ἀλλὰ πᾶσαν σπου[δ]ὴν ποιο[ύ]μενος, ἵνα συ[λλυ]- | |
| 40 | [θέντες οἱ ἀντίδικοι τὰ πρὸς αὑ]τοὺς μεθ’ ὁ[μο]νοί[ας π]ολιτεύωνται, τ[ὰ]ς δὲ διέκρινεν δικ[αί]- |
| [ως, τὴν δὲ ἄλλην ἐνδημίαν ἐ]ποιήσατο ἀπὸ παντὸς τοῦ βελτίστου ἀξίως ἀμφοτέρω[ν] | |
| [τῶν πόλεων· ἐπαινοῦσίν τε τ]ὸν δῆμον τὸν ἡμέτερο[ν] ἀρετῆς ἕνεκεν καὶ εὐνοίας ἧς ἔχει | |
| [εἰς τὴν πόλιν αὐτῶν καὶ ἐστεφαν]ώκασιν χρ[υ]σῶι στεφάνωι ἀπὸ πλήθους τοῦ ἐκ τῶν νόμω[ν], | |
| [ὅτι αἰτησαμένων αὐτῶν δικαστὴν] ἀ̣[πέστ]ε[ιλε]ν ἐ[πὶ] τὰ̣ς̣ κρίσεις ἄνδρα καλὸν καὶ ἀγαθόν· ἐπαι- | |
| 45 | [νοῦσιν δὲ καὶ τὸν ἀποσταλέν]τ̣α̣ δ̣[ι]καστὴν Καλλικράτην Ἀπολλω[νί]ου ἀρετῆς ἕνεκεν καὶ |
| [καλοκἀγαθίας ἐπὶ τῶι προστῆν]α̣ι τ̣ῶ[ν] τ̣ε κρίσεων καὶ τῶν συ[λ]λύσεων ἴσως καὶ δικ[α]ίως· | |
| [ἐπαινοῦσιν δὲ καὶ τὸν συνεξα]ποσ[τ]α[λ]έν̣τ[α] αὐτῶι γραμματέα Ἄτταλον Ἀττάλου ἐπὶ [τ]ῶ̣ι τὴν | |
| [καθ’ αὑτὸν χρείαν διωικηκέναι] ἐπιμελῶς καὶ εὐτάκτως καὶ τὴ[ν ἐνδ]ημίαν πεποιῆσθαι μετὰ πάσης | |
| [εὐταξίας· καὶ ἐστεφανώκασ]ι τὸν μὲ̣[ν] δικαστὴν χρυσῶι στεφάνωι ἀπὸ πλήθους τοῦ | |
| 50 | [ἐκ τῶν νόμων, τὸν δὲ γραμμ]α̣τέα θαλλοῦ στεφάνωι, πεποίηνται δὲ αὐτοὺς κα̣ὶ προξέ- |
| [νους τῆς πόλεως, δέδωκαν] δὲ αὐτοῖς καὶ ἔφοδον ἐπὶ τὴ[ν] βουλὴν καὶ τὴν ἐκκλησί- | |
| [αν πρώτοις μετὰ τὰ ἱερά· περὶ δὲ πο]λ̣ιτ̣<ε>ίας αὐτοῖς τε καὶ τοῖς ἐκγ[όν]οις αὐτῶν ἐπιτετάχ[α]- | |
| [σιν τοῖς προστάταις καὶ τοῖς στρ]α̣τηγοῖς προγράψασθαι ἐν τοῖς ἐννόμοις χρόνοις· ἀξιο[ῦ]- | |
| [σιν δὲ καί, ἵνα οἱ στέφανοι ἀναγγελ]ῶσιν παρ’ ἡμῖν ἐν τῶι θεάτρωι τοῖς Διονυσίοις καὶ τὸ | |
| 55 | [ψήφισμα ἀναγραφῆι ἐν τῶι ἱερῶι τ]ῆς Ἀθηνᾶς τῆς Πολιά[δ]ος, [ἵνα] πᾶσι φανερὸν ἦι, ὅτ[ι] ὁ δῆ- |
| [μος αὐτῶν καὶ τὰς πόλεις καὶ τοὺ]ς ἄνδρας τοὺς ἀγαθοὺς [τιμᾶι]· ἐπελθό[ντ]ες δὲ καὶ οἱ | |
| [πρεσβευταὶ ἐπὶ τὴν βουλὴν καὶ τ]ὸ[ν] δῆμον διελέγησαν ἀκολούθως [τοῖς ἐν τ]ῶι ψη̣- | |
| [φίσματι γεγραμμένοις, σπ]ουδῆς καὶ φιλοτιμίας οὐθὲν ἐλλείποντες, [ἐπ]οιήσαντο̣ | |
| [δὲ καὶ τὴν ἐνδημίαν μετὰ πάσ]ης εὐκοσμίας καὶ ἀξίως ἀμφοτέρων τῶμ πόλεων, δε- | |
| 60 | [δόχθαι τῶι δήμωι· ἐπῃνῆσθαι μ]ὲν τὸν δῆμον τὸν Ἰασέων ἐπί τε τῆι εὐνοίαι ἧι ἔχει εἰς τὴμ |
| [πόλιν τὴν ἡμετέραν καὶ ἐπὶ τῆι ε]ὐχα̣ριστίαι ἣμ πεποίηται εἴς τε τὸν δῆμον καὶ τὸν ἄνδρα τὸν | |
| [ἀποσταλέντα Καλλικράτην Ἀ]πολλωνίου̣ καὶ τὸγ γραμματέα Ἄτταλον Ἀττάλου, καὶ ἀπο- | |
| [κρίνασθαι αὐτοῖς, διότι ὁ δῆμο]ς διατηρήσει καὶ εἰς τὸν ἄλλον χρόνον τὴν αὐτὴν αἵρεσιν | |
| [πρὸς τὸν δῆμον τὸν Ἰασέων· ἵ]να δὲ καὶ τὰ ἀξιούμενα ὑπὸ Ἰασέων συντελεσθῆι, τὸμ μὲν ἀγω̣- | |
| 65 | [νοθέτην ἐπιμελεῖσθαι ὅπως οἱ σ]τέφανοι τοῖς πρώτοις Διονυσίοις αὐλητῶν τῶι ἀγῶνι τῶι π[αι]- |
| [δικῶι ἀναγγελῶσιν, οἷς ἐστεφ]ανώκασιν Ἰασεῖς τόν τε δῆμον τὸν ἡμέτερον καὶ τὸν | |
| [δικαστὴν καὶ τὸν γραμματέα· τ]ὸν̣ δὲ νεωποίην Σωσίβιον ἀπεγδοῦναι στήλην λιθίνην, | |
| [εἰς ἣν ἀναγραφήσεται τὰ ψηφ]ίσματα· τόπον δὲ τῆι στήληι δεδόσθαι ἐν τῶι ἱερῶι τῆς Ἀθηνᾶς | |
| [τῆς Πολιάδος ἐγγὺς τῆς στ]ήλης τῆς περιεχούσης τὰς παρὰ Χίων τιμάς· δοῦναι δὲ τὸν | |
| 70 | [νεωποίην Σωσίβιον τ]οῖς πρεσβευταῖς τοῖς παρὰ Ἰασέων ξένια τὰ ἐκ τοῦ νόμου. |