Honorific decree of the phrouroi for the phrourarchos Helikon. Two adjoining anta blocks.
[ ]
Ionia — Priene — Sanct. of Athena — ca. 250-200 BC — IvPriene (1906) 19 + p. 308
See also:
| 1 | οἱ φρουροὶ οἱ ἐν Τηλωνήα[ι] |
| crown.2 | Ἑλικῶντα |
| Λεωμέδοντος. | |
| 4 | [Ἀ]πολλώνιος Ἀπολλοδώρου εἶπεν· ἐπειδὴ |
| 5 | [Ἑλ]ικὼν Λεωμέδοντος ἀποδειχθεὶς ὑπὸ τοῦ |
| [δή]μου φρούραρχος εἰς Τηλώνηαν καὶ φρουραρχή- | |
| [σα]ς ἐπὶ στεφανηφόρου Πρωτάρχου τὴν πρώτην | |
| [τ]ετράμηνον τῆς τε φυλακῆς πᾶσαν ἐπιμέλει- | |
| [α]ν καὶ σπουδὴν ἐποιήσατο ὅπως ἂν εὐτακτῆ- | |
| 10 | ται, ἐφοδεύων αὐτὸς καὶ πάλιν τοῦ υἱοῦ δια̣〚λα〛- |
| λαβ̣όντος {²⁶διαλαβόντος}²⁶ ἕνεκεν τῆς ἀσφαλείας τοῦ φρουρί- | |
| [ου], καὶ τῶμ φρουρῶν προενόησεν ἔν τε τοῖς ἄλ- | |
| [λ]οις καὶ ὅπως ἂν τὸ ἴσον ἔχωσιν καὶ εὖ συν- | |
| [α]λλακτῆται τὰ κατὰ τὴν ἄκραν πάντ[α], | |
| 15 | καὶ ἐφέστη τὸγ χρόνον πάντα καθαρῶ[ς] |
| [καὶ δι]κ̣α̣ί̣ω̣ς [․․․․]․․[․․․]․․․[․․]․․ΜΕ̣[․․․․․] | |
| [․․․․․]ος παρακαλ̣[ῶ]ν̣ αὐτοὺς [τηρε]ῖν [τὴν] | |
| [ἄκρ]αν ἐπιμελῶς, λογιζομένους ὡς οὐθὲ[ν] | |
| [με]ῖζόν ἐστιν ἀνθρώποις Ἕλλησιν τῆς ἐ- | |
| 20 | [λε]υθερίας· πρότ[ε]ρόν τε ἀποδειχθεὶς ὑπὸ |
| [το]ῦ δήμου φρού[ρα]ρχος δὶς καὶ ἄρξας ἀξί- | |
| [ως] ἑαυτοῦ τε κα[ὶ] τῶν ἀποδειξάντων | |
| [ἐσ]τεφανώθη ὑπὸ̣ τῶμ φρουρῶν ἐπαιν[ε]- | |
| [θε]ὶς χρυσέοις στεφάνοις· ὁ δὲ τοὺς μὲ[ν] | |
| 25 | [φρο]υ̣ροὺς ἐνεκωμίασεν ὅτι τοῖς ἀξίοις |
| [τῶν] ἀνδρῶν τὰς προσηκούσας τιμὰς ἀπο- | |
| [νέ]μουσιν, τὸ μέντοι διάφορον τῶν στεφ[ά]- | |
| [ν]ω̣ν οὐκ ἔλαβε[ν] λόγοις, ΟΜ̣Ο̣Ι̣Ι̣Α̣Τ̣Ο̣ΡΑΝ λαβόμενο[ς] | |
| [ἀν]τ̣ὶ παντὸς διαφόρου, καὶ ἐν τοῖς ἄλλοις | |
| 30 | [ἀ]νέγκλητος ὢν δια̣τετέλεκεν πρὸς πάν- |
| [τας]· ἵ̣να οὖν οἱ φρουροὶ φαίνωνται τῶγ καλῶ[ν] | |
| [καὶ] ἀ̣γαθῶν ἀ̣νδρῶν καὶ μνήμης ἀξίων | |
| [πρ]ό̣νοιαν ποιούμενοι, δεδόχθαι τοῖς φρου- | |
| [ρο]ῖς· ἐπῃνῆσθαι Ἑλικῶντα Λεωμέδοντο[ς] | |
| 35 | [ἀρ]ε̣τῆς ἕνεκεν καὶ εὐνοίας τῆς εἰς αὐ- |
| [τού]ς τε καὶ τοὺς ἄλλους πολίτας, καὶ | |
| [στ]εφανῶσαι αὐτὸν χρυσέωι στεφά- | |
| [νω]ι ἀπὸ χρυσῶν δέκα· ἵνα δὲ καὶ τὰ ἐ- | |
| [ψη]φισμένα ὑπάρχη̣ι διὰ παντὸς ἔν τ[ε] | |
| 40 | [τ]ῆ̣ι πόλει καὶ τῆι ἄκραι, ἑλέσθαι πρεσ- |
| [β]ευτὰς ἄνδρας δύο, οἵτινες παραγενό- | |
| μ̣ενοι ἐπί τε τὴν βουλὴν καὶ τὸν δῆμο[ν] | |
| [ἐν] τῶι ἐννόμωι χρόνωι ἀξιώσουσιν, ἵνα τε ἡ | |
| ἀναγραφὴ τοῦδε τοῦ ψηφίσματος γένηται ὑ[π’] | |
| 45 | αὐτῶν ἐν τῆι παραστά[δι] τῆς στοᾶς τῆς ἐν |
| τῶι Ἀσκληπιήωι τῆι ἐν δεξιᾷ εἰσπορευομέ- | |
| [ν]ων καὶ ἵνα δοθῆι αὐτοῖς τόπος ἐν τῶι ἱε- | |
| ρῶι τοῦ Τήλωνος ὁ παρὰ τὴν στήλην τὴν | |
| Ἀριστίππου τοῦ Φιλίου, ἐν ὧι ἀναθήσουσιν | |
| 50 | στήλην λιθίνην ἀναγράψαντες ἐν αὐτῆ[ι] |
| [τ]ὸ ψήφισμα τόδε· καὶ ὅπως ἂν ὁ στέφανος | |
| [ἀ]ν̣αγορευθῆ̣ι ὧι τετίμη̣τα̣ι Ἑλικ̣ὼ̣ν καὶ δι’ | |
| [ἃς] αἰτίας ὑπὸ τῶμ φρουρῶν ἐ̣ν τοῖς πρώτοις | |
| [Δ]ιονυσίοις αὐλητῶν τῶ[ι] ἀ̣γῶνι τῶι πα̣ιδικῶ[ι]· | |
| 55 | τ̣ῆ̣ς δὲ ἀναγγελίας ἐπιμ[έ]λ[ε]ια[ν] ποιήσασ- |
| [θ]α̣ι̣ τόν τε ἀγωνοθέτη̣ν [․]ΟΝ̣Ν̣Γ̣[․․]Τ̣ΕΚΑΙ | |
| [․․․․․]ΙΛ[․]Ω̣[․․․․․․․․․․․․․․․․․․․․]ỊMO[—] | |
| [— — — — — — — — — — — — — — — — — — —]ΙΟΥ | |
| [ἐνεγκεῖν ἐλ] λόγ[ωι — — — — — — — — — —] |