IG II² 1110
[ ] Att. — c. 180-192
See also:
frg. a.1 [Α]ὐτοκράτωρ Καῖ[σαρ — —]
— — — — 〚— — — —〛 — — — —
— — — — — η — — — — —
frg. b.1 — — — — — — α καὶ
[μυστηρίω]ν κεκοινωνηκὼς
[ὥ]στε ἐξ ἐκείνου δίκαιος
ἂν εἴην ὁμολογῶν καὶ τὸ
5 Εὐμολπίδης εἶναι. ἀναλαμ-
βάνω δὲ καὶ τὴν τοῦ ἄρχοντο[ς]
προσηγορίαν, καθ’ ἃ ἠξιώσατε,
ὡς τά τε ἀπόρρητα τῆς κατὰ τὰ
μυστήρια τελετῆς ἐνδοξ̣ό-
10 τερόν τε καὶ σεμνότερον,
εἴ γέ τινα προσθήκην ἐπιδέ-
χοιτο, τοῖν θεοῖν ἀποδοθεί-
η καὶ διὰ τὸν ἄρχοντα τοῦ τῶν
Εὐμολπιδῶν γένους, ὃν προ-
15 εχειρίσασθε, αὐτός τε μὴ δο-
κοίην, ἐνγραφεὶς καὶ πρότε-
ρον εἰς τοὺς Εὐμολπίδας,
παραιτεῖσθαι νῦν τὸ ἔργον
τῆς τειμῆς, ἣν πρὸ τῆς ἀρχῆς
20 [τα]ύτης ἐκαρπωσάμην.
            ἔρρωσθε.
          vacat
Search Help