[ ]
Pal. — Gadara (Umm Qais) — Emmatha Gadarorum (el-Hammeh) — ca. 455 AD — IEJ 32 (1982) 77, 1 — Qadmoniot 16 (1983) 28-36
| 1 | ☩ Εὐδοκίας Αὐγούστης ☩ |
| πολλὰ μὲν ἐν βιότῳ κ(αὶ) ἀπίρονα θαύματ’ ὄπωπα, | |
| τίς δέ κεν ἐξερέοι, πόσα δὲ στόματ’, ὦ κλίβαν’ ἐσθλέ, | |
| σὸν μένος, οὐτιδανὸς γεγαὼς βροτός; ἀλλά σε μᾶλλο(ν) | |
| 5 | ὠκεανὸν πυρόεντα νέον θέμις ἐστὶ καλεῖσθαι. |
| παιάνα καὶ γενέτην γλυκερῶν δοτῆρα ῥεέθρων. | |
| ἐκ σέο τίκτεται οἶδμα τὸ μύριον, ἄλλυδις ἄλλῃ, | |
| ὅππῃ μὲν ζεῖον, πῇ δ’ αὖ κρυερόν τε μέσον τε. | |
| τετράδας ἐς πίσυρας κρηνῶν προχέεις σέο κάλλος. | |
| 10 | Ἰνδή · Ματρώνα τε · Ῥεπέντινος· Ἠλίας ἁγνός · |
| Ἀντωνῖνος εὔς · Δροσερὰ Γαλατία · καὶ αὐτὴ | |
| Ὑγεία · καὶ χλιαρὰ μεγάλα · χλιαρὰ δὲ τὰ μικρὰ · | |
| Μαργαρίτης · κλίβανος παλεός · Ἰνδή τε · καὶ ἄλλη | |
| Ματρώνα · Βριαρή τε Μονάστρια · κ’ ἡ Πατριάρχου. | |
| 15 | ὠδείνουσι τεὸν μένος ὄβριμον ἠνεκ̣[ὲς ἀιέν], |
| ἀλλὰ θεὸν κλυτόμητιν ἀείσο[μαι – ⏑ ⏑ – –] | |
| εἰς εὐεργεσείην μερόπων τε χρ[⏑ – ⏑ ⏑ –]. |