[ ]
Phokis — Delphi — 246-241 BC? — SIG(3) 444D
| 1 | θεοί. |
| ἐπὶ Πραό[χ]ου ἄρχοντος, ἱερομνημονούντων Αἰτωλῶν Λαδάμεος, Ἀγελόχου, [Λέ]ωνος, Ἀρίστωνος, Ἀλεξάνδρου, Τ̣ριχιν̣[․․], | |
| Ἀλέξωνος, [Φύσκ]ου, Φιλοποίνου· Δημώνακτος Χίου· Δελφῶν Ταραντίνου, Ἐ[πικρ]ατίδα· Φωκέων Καλλικράτους· ἔδοξε τοῖς | |
| ἱερομνήμοσι· {²vac. 17}² ἐπειδὴ Καλλικλῆς ἱεροκηρυκεύων τῶι κοινῶι συνεδρίωι τῶν Ἀμφικτυόνων διατελεῖ | |
| 5 | χρείας παρεχόμενος τοῖς τε ἱερομνήμοσι καὶ τοῖς Ἀμφικτύοσι καὶ τοῖς ἄλλοις Ἕλλησιν ἄπασιν ἀνενκλήτως, |
| ἔδοξε τοῖς ἱερομνήμοσιν, ἐπαινέσαι τε [Κα]λλικλέα Καλλικλέ[ος] Ἀθηναῖον οἰκοῦντα ἐν Αἰτωλίαι καὶ στεφανῶσαι | |
| δάφνης στεφάνωι παρὰ τοῦ θεοῦ καὶ εἶναι αὐτῶι καὶ ἐκγόνοις προδικίαν, ἀσφάλειαν, ἀσυλίαν, ἀτέλειαν καὶ προε- | |
| δρίαν ἐμ πᾶσι τοῖς ἀγῶσιν, οἷς τιθέασιν οἱ Ἀμφικτύονες. |