[ ] Aeol. — Kyme (Namurt Limani) — 2 BC-14 AD — SEG 27.791 cf. — IGR 4.1302
1 — — —
[— — — — — — — — — — — — — — — — — — — — — δαμ]οσίαι[ς — — —]
[καὶ πρὸς τὰν εἰς αὐτὸ χοραγίαν ταὶς ὑπαρχοί]σ̣α̣ι̣ς αὐτῷ κτή-
[σιας ἐν Ζμαραγήω̣ — — — — — — — — —· ἐπὶ δ]ὴ τούτοισι τῶ δά-
[μω — — — — — — — — — — — — — — — —]ο̣νια πασυδιάσαντος καὶ
5 [μεγαλο]π̣ρ̣ε̣πεστά[τ]α̣ι̣ς̣ τειμαὶς δογματίζοντος καὶ ναῦ-
[ο]ν̣ ἐν τῷ γυμ<ν>ασίῳ κατείρων προαγρημμένω, ἐν ᾧ ταὶς τει-
μαὶς αὐτῶ κατιδρύσει, κτίσταν τε καὶ εὐεργέταν προσονυ-
μάσδεσθαι εἰκόνας τε χρυσίαις ὀντέθην, καθ’ ἃ τοῖς τὰ μέ-
γιστα τὸν δᾶμον εὐεργετησάντεσσι νόμιμόν ἐστι, με-
10 τά γε τὰν ἐξ ἀνθρώπων αὐτῶ μετάστασιν καὶ τὰν ἐν-
ταφὰν καὶ θέσιν τῶ σώματος ἐν τῷ γυμνασίῳ γενήθην,
ἀποδεξάμενος ὑπερθύμως τὰν κρίσιν τᾶς πόλιος Λα-
βέων, στοιχεὶς τοῖς προϋπαργμένοισι αὐτῷ καὶ προσμε-
τρεὶς τὰν ἑαυτῶ τύχαν τοῖς ἐφικτοῖσιν ἀνθρώπῳ, τὰν
15 μὲν ὑπερβαρέα καὶ θεοῖσι καὶ τοῖς ἰσσοθέοισι ἁρμόζοι-
σαν τᾶς τε τῶ ναύω κατειρώσιος τᾶς τε τῶ κτίστα
προσονυμασίας τειμὰν παρῃτήσατο, ἀρκέην νομί-
ζων τὰν κρίσιν τῶ πλάθεος καὶ τὰν εὔνοαν ἐπιτεθε-
ωρήκην, ταῖς δὲ τοῖς ἀγαθοῖσι τῶν ἀνδρῶν πρεπο[ί]-
20 σαισ’ ἀσμενιζοίσᾳ χαρᾷ συνεπένευσε τειμαῖσι· ἐφ’ ο[ἷ]-
σιν πρεπωδέστατόν ἐστι, τῶν ἐννόμων ἐόντων
χρόνων, τὰν παντελέα τῶν εἰς ἀμοιβὰν ἀνηκόντων
ἐπαίνων τε καὶ τειμίων περὶ τᾶς καλοκἀγαθίας αὐτῶ
μαρτυρίαν ἀπυδεδόσθαι· δι’ ἃ καὶ τύχᾳ ἀγαθᾷ, δεδόχθαι
25 τᾷ βολλᾷ καὶ τῷ δάμῳ· ἐπαίνην Λαβέωνα παίσας ἐόντα τει-
MA=S A)/CION KAI\ DIA\ TA\N LOIPA\N ME\N PERI\ TO\N BI/ON SEMNO/TATA
καὶ διὰ τὰν φιλοδοξίαν δὲ καὶ τὰν μεγαλοδάπανον εἰς
τὰν πόλιν διάθεσιν, καὶ ἔχην ἐν τᾷ καλλίστᾳ διαλάμψει τε καὶ
ἀπυδοχᾷ, καὶ κάλην εἰς προεδρίαν καὶ στεφάνων ἐν πάν-
30 τεσσι τοῖς ἀγώνεσσιν, οἵς κεν ἁ πόλις συντελέῃ, ἐν τᾷ τᾶν
κατευχᾶν ἁμέρᾳ ἐπὶ τᾶν σπονδᾶν κὰτ τάδε· "ὁ δᾶμος στε-
φανοῖ Λεύκιον Οὐάκκιον Λευκίω υἱὸν Αἰμιλία Λαβέωνα φι-
λοκύμαιον, εὐεργέταν, στεφάνῳ χρυσίῳ ἀρετᾶς ἕνεκα
καὶ φιλ{ι}αγαθίας {²⁶φιλαγαθίας}²⁶ τᾶς εἰς ἑαυτόν." ὀντέθην δὲ αὐτῷ καὶ εἰ-
35 κόνας, γραπτάν τε ἐν ὅπλῳ ἐνχρύσῳ καὶ χαλκίαν, κὰτ τὰ αὐ-
τὰ δὲ καὶ μαρμαρίαν καὶ χρυσίαν, ἐν τῷ γυμνασίῳ, ἐφ’ ἇν ἐπι-
γράφην· "ὁ δᾶμος ἐτείμασεν Λεύκιον Οὐάκκιον Λευκίω
υἱὸν Αἰμιλία Λαβέωνα, φιλοκύμαιον, εὐεργέταν, γυμνασι-
αρχήσαντα καλῶς καὶ μεγαλοδόξως, ὀνθέντα δὲ
40 καὶ τὸ βαλανῆον τοῖς νέοισι καὶ πρὸς τὰν εἰς αὐτὸ χοραγί-
αν ταὶς ὑπαρχοίσαις αὐτῷ κτήσιας ἐν Ζμαραγήῳ, καὶ ἐ-
πισκεάσαντα τὸ γυμνάσιον καὶ ἕκαστα ἐπιτελέσαντα
λαμπρῶς καὶ μεγαλοψύ̣χως, ἀρετᾶς ἕνεκα καὶ εὐνόας
τᾶς εἰς ἑαυτόν." καὶ ἐπεί κε δὲ τελευτάσῃ, κατενεχθέν-
45 τα αὐτὸν ὑπὸ τῶν ἐφάβων καὶ τῶν νέων εἰς τὰν ἀγορὰν
στεφανώθην διὰ τῶ τᾶς πόλιος κάρυκος κὰτ τάδε· "ὁ δᾶ-
μος στεφανοῖ Λεύκιον Οὐάκκιον Λευκίω υἱὸν Αἰμιλία Λα-
βέωνα, φιλοκύμαιον, εὐεργέταν, στεφάνῳ χρυσίῳ ἀρε-
τᾶς ἕν<ε>κα καὶ εὐνόας τᾶς εἰς ἑαυτόν." εἰσενέχθην δὲ
50 αὐτὸν εἰς τὸ γυμνάσιον ὑπό τε τῶν ἐφάβων καὶ τῶν
νέων καὶ ἐντάφην, ἐν ᾧ κεν {ἄν} εὔθετον ἔμμεναι φαίνηται τό-
πῳ. τὸ δὲ ψάφισμα τόδε ἀναγράψαι εἰς στάλαν λίθω λευ-
KW= KAI\ O)NQE/MENAI EI)S TO\ GUMNA/SION PA\R TAI\S DEDO-
γματισμέναις αὐτῷ τειμαίς· {²vac.}² μηνὸς Φρατρίω δεκάτᾳ
55 ἀπιόντος ἐπὶ ἱερέος τᾶς Ῥώμας καὶ Αὐτοκράτορος
Καίσαρος θεῶ υἱῶ θεῶ Σεβαστῶ ἀρχιερέος μεγίστω καὶ πα-
τρὸς τᾶς πατρίδος Πολέμωνος τῶ Ζήνωνος Λαοδι-
κέος, πρυτάνιος δὲ Λευκίω Οὐακκίω Λευκίω υἱῶ Αἰμιλί̣-
α Λαβέωνος, φιλοκυμαίω, εὐεργέτα, στεφαναφόρω δὲ
60            Στράτωνος τῶ Ἡρακλείδα.
Search Help
Contact Us