[ ]
Phokis — Delphi — 193 BC
| 1 | [στραταγέ]οντος Θόα τ[ὸ δεύτερον] μηνὸς Ἀγυείου, ἐν |
| [Δελφοῖς δ]ὲ ἄρχοντος Πειθ[αγόρα μ]ηνὸς Ἡρακλείου, | |
| [ἐπὶ τοῖσδ]ε ἀπέδοτο Ἀγέστρατος Ὀφιεὺς τῶι | |
| [Ἀπόλλων]ι τῶι Πυθίωι σῶμα ἀνδρεῖον ὧι ὄνομα Φαλακρ[ί]ων, | |
| 5 | τιμᾶ[ς ἀρ]γυρίου μνᾶν τεσσάρων. βεβαιωτῆρες κατὰ τὸν νό- |
| μον καὶ τὰν συμβολάν· Τηλεφάνης, Κλέων Πλυγονεῖς. παρα- | |
| μεινάτω δὲ Φαλακρίων παρὰ Ἀγέστρατον ἔτεα ὀκτὼ ποιέ- | |
| ων τὸ ποτιτασσόμενον ἀνεγκλήτως τὸ δυνατόν. ἐπεὶ δέ κα | |
| παραμείνη Φαλακρίων παρὰ Ἀγέστρατον τὰ ὀκτὼ ἔτη, ἀπο- | |
| 10 | λελυμένος ἔστω Φαλακρίων ἀπὸ Ἀγεστράτου ἐλεύθερος |
| ὢν καὶ ἀνέφαπτος τὸμ πάντα βίον, κυριεύων αὐτοσαυτοῦ | |
| καὶ ποιέων ὅ κα θέληι. μάρτυρες· τοὶ ἱερεῖς Ξένων, Ἄθαμβος | |
| καὶ ἰδιῶται Δαμοχάρης, Στράτων, Παρνάσσιος Δελφοί, | |
| Μάχων, Ἀρισταγόρας, Σωσικράτης, Λύκος Πλυγονεῖς. |