[ ] Phokis — Delphi — 75-80 AD
1     ἀγαθᾷ τύχᾳ.
ἄρχοντος ἐν Δελφοῖς Κριτολάου τοῦ
Δωροθέου, μηνὸς Β<ο>αθοίου ἑβδόμᾳ, βουλευ-
ντων Πολεμάρχου τοῦ Δάμωνος καὶ Νει-
5 κάνδρου τοῦ Καλλιστράτου, Νεικασὼ Σωσύ-
λου ἀπέδοτο τῷ θεῷ σῶμα γυναικῆον, ᾗ ὄ-
νομα Συμφέρουσα, τειμᾶς ἀργυρίου μνᾶν
πέντε, καὶ τὰν {ταν} τειμὰν παροῦσα ὡμο-
[λό]γησεν ἀπέχειν πᾶσαν, παρόντος αὐτᾶς
10 [τοῦ] υἱοῦ Ἀντιόχου τοῦ Διοδώρου καὶ συνευ-
[αρε]στέοντος, ἐφ’ ᾧ ἀνέπαφον εἶμεν Συ[μ]-
[φέρου]σαν τὸν τᾶς ζωᾶς χρόνον, μηδε[νὶ]
[μηδὲν] προσήκουσαν κατὰ μηδένα τρ[όπον],
[καθὼς ἐπίστευσαν τὰν] ὠνὰν τῷ θεῷ [Νει]κα-
15 [σὼ καὶ Συμφέρουσα. καθέστ]ακαν δὲ [κ]αὶ <βε>βαιω-
[τῆρα κατὰ τὸν νόμον τᾶς π]όλι[ο]ς Διόδωρον
[․․․․․․․․․․․ εἰ δέ τις ἐ]φάπτοιτο Συμφερ[ού]σ-
[ας ἐπὶ καταδουλισ]μῷ, βέβαιον παρεχόν-
[τω τῷ θεῷ τὰν] ὠνὰν οἵ τε ἀποδόμενοι
20 [καὶ ὁ βεβαιωτ]ήρ. ὁμοίως δὲ καὶ ὁ παρα-
[τυχὼν κύριο]ς ἔστω συλέων Συμφέρου-
[σαν εἰς ἐλευ]θερίαν ἀζήμιος ὢν καὶ ἀ-
[νυπόδικ]ος παντὸς κριτηρίου καὶ πάσας
[ζημίας. τ]ιθέμεθα τὰν ὠνάν, ἃν μὲν
25 [εἰς τ]ὰ δημόσια τῆς πόλεως γράμμα-
[τα δι]ὰ τοῦ γραμματέως Διοδώρου τοῦ
[Φιλο]νείκου, [ἃν] δὲ εἰς τὸ ἱερὸν τοῦ
[Πυθ]ίου Ἀπόλλωνος. μάρτυρες
οἵ [τ]ε ἱερεῖς τοῦ Πυθίου Ἀπόλλωνος
30 Τιβ. Κλαύδιος Κριτόλαος καὶ Τιβ.
Κλαύδιος Νείκανδρος καὶ οἱ παρα-
τυχόντες Εὔδωρος Ἐπιν[εί]κου καὶ
Μηνόδωρος Μηνοδώρου καὶ Φιλό-
νεικος Ζωσίμου.
35
14a {²betw. ll. 14-15, remnants of an earlier inscr.?}² ․․․․ δινάρια διακόσια ․․․․
Search Help
Contact Us