[ ] Phokis — Delphi — 160/59 BC — SIG(3) 671A
1 [— — — — — —] καταστα[θ]έντες ὀ[μνυόντω κ]αθ[ὼ]ς [καὶ τὰ] ἄλλα ἀρχεῖα καὶ ἐκπρ[ά]ξαντες τοῦ ἀργυρίο[υ]
[τοὺς τόκ]ους συντελείντω τὰν θ[υσίαν καὶ τὰς] τιμὰς καὶ τὰν δαμοθοινίαν ἐν τῶι Ἡρακλείωι μηνὶ τᾶ[ι]
[δωδεκ]άται ὡς κάλλιστα καὶ λόγον ἀ[ποδιδόντ]ω τοῖς μαστροῖς ἐν τῶι αὐτῶι μηνὶ ὑπεύθυνοι ὄντες,
[ὥσ]περ καὶ οἱ τὰ ἄλλα ποθίερα καὶ δαμ[ό]σια [χε]ιρίζοντες, καὶ ἐν τοῖς αὐτοῖς ἐπιτιμίοις ἔνοχοι ἔστ[ω]-
5 σαν κατὰ τὸμ μαστρικὸν νόμον· θυόντω δ[ὲ ο]ἱ ἐπιμεληταὶ βοῦς τρεῖς τελείους τῶι Ἀπόλλωνι καὶ
τᾶι Λατοῖ καὶ τᾶι Ἀρτέμιτι, καὶ τὰ λοιπὰ ἱε[ρε]ῖα οἰκονομεόντω κατὰ τὰ διατεταγμένα, καὶ τὰ κρ[έα]
καταχρείσθωσαν ἐν τὰν δαμοθοινίαν κα[θ]ὼς εἴθισται· οἴνου δὲ ἀναλισκόντω μετρητὰς τεσ[σα]-
ράκοντα· τᾶι δὲ ἑνδεκάται τοῦ Ἡρακλείου μ[η]νὸς ἐχέτωσαν τὰ ἱερεῖα ἕτοιμα καὶ τᾶι δωδεκάται π[ομ]-
πευόντω ὥρας δευτέρας ἐκ τᾶς ἅλωο[ς] οἵ τε ἱερεῖς τοῦ Ἀπόλλωνος καὶ τῶν ἄλλων
10 θεῶν καὶ οἱ πρυτάνεις καὶ ἄρχοντες καὶ [τ]ὰ ἄλλα ἀρχεῖα καὶ οἱ λαμπαδισταί, ἀφ’ ἑκάστας φυλᾶς ἄν-
δρες δέκα· καταγραψάτωσαν δὲ τοὺς λαμπαδίξοντας οἱ ἁγεμόνες τᾶν φυλᾶν· εἰ δέ τις τῶν ἁ-
γεμόνων μὴ παράσχοι εὐτάκτους τοὺς λαμπαδίξοντας, πράκτιμος ἔστω τᾶι πόλει ἀργυρίου δέκα
στατήρων ποθιέρων· καὶ οἱ ἄρχοντες ἐκπρ[ά]ξαντες καὶ ἐν ταῖς ἱερομηνίαις τὸ μὲν ἥμισον αὐτοὶ
ἐχέτωσαν, τὸ δὲ ἥμισον ποτιφερόντω ἐν λόγ[ο]ν· εἰ δὲ μὴ δύναιντο ἐκπρᾶξαι, ἀναγραψάτωσαν ἐν
15 τὸν δαμόσιον πίνακα, καθὼς νομίζεται· ὁ δ[ὲ] δρόμος γινέσθω ἐκ τοῦ γυμνασίου ἄχρι ποτὶ τὸν βω-
μόν, ὁ δὲ νικέων ὑφαπτέτω τὰ ἱερά· εἰ δέ τ[ι]ς, τῶν ἁγεμόνων καταγραψάντων τοὺς ἐν ἁλικίαι, μὴ
θέλοι πειθαρχεῖν δυνατὸς ὤν, πράκτιμο[ς ἔ]στω τῶι ἁγεμόνι καὶ τοῖς ἄλλοις λαμπαδισταῖς ἀ[ρ]-
γυρίου δέκα στατήρων ἰδίαι καὶ ἐν ταῖς ἱερ[ο]μηνίαις· εἰ δὲ φαίη ἀδύνατος εἶμεν ἢ πρεσβύτερος,
ἐξομοσάσθω, οἱ δὲ ἁγεμόνες ἄλλον ἀντ’ αὐ[τ]οῦ καταγραψάντω· οἱ δὲ ἱερεῖς τοῦ Ἀπόλλωνος, ἐ-
20 πεί κα πομπεύσωντι, κατευχέσθωσαν τὰ Εὐμένεια καθὼς νομίζεται· ἁ δὲ νικέουσ[α] τᾶν φ[υ]-
λᾶν τὰν λαμπάδα λαμβανέτω εἰς θυσί[α]ν ἀργυρίου δέκα στατῆρας· ἀναγράψαι [δὲ τὸ ψάφισ]-
μα ἐν τὰν βάσιν τὰν ὑπάρχουσαν τοῦ βασιλέος παρὰ τὸν βωμὸν τοῦ Ἀπόλλωνος τ[οὺς ἐνάρ]-
χους βουλευτάς, καὶ διαποστεῖλαι ποτὶ [τ]ὸν βασιλῆ τὸ ἀντίγραφον τοῦ ψαφίσματ[ος].
Search Help
Contact Us