RegionsCentral Greece (IG VII-IX)Delphi
FD III 3:48 FD III 3:47 FD III 3:49
[ ] Phokis — Delphi — mid-2nd c. BC
1 [ἄρχοντος Εὐκλέος, μηνὸς] Ποιτροπίου, βουλευόντων τ[ὰν πρώταν] ἑξά-
[μηνον Εὐδόκου τοῦ Πραξία, Ἀ]γησιλάου τοῦ Ταραντίνου, γραμματεύον-
[τος δέ Πολίτα τοῦ Ἀσάν]δρου, ἐπὶ τοῖσδε ἀπέδοτο Ἀστίας Ἀμινία τῶι Ἀπόλλωνι
[τῶι Πυθίωι σῶμα γυναι]κεῖον ἇι ὄνομα Λυσώ, τὸ γένος οἰκογεν[ῆ], τιμᾶς ἀργυρίου μνᾶ[ν]
5 [τριῶν καὶ τὰν τιμὰν ἔχει] πᾶσαν, καθὼς ἐπίστευσε Λυσὼ τῶι θεῶι τὰν ὠνὰν, ἐφ’ ὧιτε
[ἐλευθέραν εἶμεν καὶ ἀν]έφαπτον ἀπὸ πάντων τὸν πάντα χρόνον, ποιέουσα ὅ κα θέλη καὶ ἀ-
[ποτρέχουσα οἷς κα θέλη. βεβ]αιωτὴρ κατὰ τὸν νόμον τᾶς πόλιος Ἀριστόδαμο[ς Σ]ωτάκ[ου].
[εἰ δέ τις ἐφάπτοιτο ἐπὶ κατα]δουλισσμῶι Λυσοῦς, βέβαιον παρεχόντων τῶι θεῶι τὰν ὠ-
[νὰν ὅ τε ἀποδόμενος Ἀστία]ς καὶ ὁ βεβαιωτὴρ Ἀρισ[τ]ό[δα]μ[ο]ς. εἰ δὲ μὴ παρέχοιν βέβαιο[ν]
10 [τῶι θεῶι τὰν ὠνάν, πράκ]τιμοι ἐόντων κατὰ τὸν νόμον τᾶς πόλιος, ὁμοίως δὲ κ[αὶ]
[οἱ παρατυγχάνοντες κύριο]ι ἐόντων συλέοντες Λυσὼ <ὡ>ς ἐλευθέραν ἐοῦσαν, ἀζάμιοι ἐόν[τε]ς
[καὶ ἀνυπόδικοι πάσας δίκας κα]ὶ ζαμίας. παραμίνατω δὲ Λυσὼ παρὰ Ἀστίαν ἄχρι ο[ὗ κ]α ζώη Ἀστί-
[ας ποιέουσα τὸ ποτιτασσόμενο]ν πᾶν τὸ δυνατὸν ἀνεγκλήτως. εἰ δέ κα μὴ παρα[μέ]νοι ἢ μὴ ποιέοι
[τὸ ποτιτασσόμενον καθὰ γέ]γραπται, κύρ[ι]ος ἔστω [Ἀ]στίας ἐπιτιμέων τρόπ[ω]ι ὧι κα αὐ[τὸ]ς θέλη.
15 [μάρτυροι τοὶ ἱερ]εῖς τοῦ Ἀπόλλωνος Πρ[α]ξί[α]ς, Ἀνδρόνικος καὶ οἱ ἄρχοντες Εὔδοκος Πρα-
[ξία καὶ ἰδιῶται Καλ]λίνικος, Κάλλων Λε[π]τίνα, Ἀρίσταρχος Ἀστυόχου, Τιμόκριτος,
    Εὔνους.
PH239642
Search Help
Contact Us