[ ]
Abyssinia — Axume (Aksum) — 4th/5th c. AD — SEG 32.1601
| 1 | Ἀειζανᾶς βασιλεὺς Ἀξωμιτῶν καὶ Ὁμηριτῶν |
| καὶ τοῦ Ῥαειδᾶν καὶ Αἰθιόπων καὶ Σαβαειτῶν | |
| καὶ τοῦ Σιλεῆ καὶ τοῦ Τιαμῶ καὶ Βουγαειτῶν κ(αὶ) | |
| τοῦ Κάσου, βασιλεὺς βασιλέων, υἱὸς θεοῦ ἀνική- | |
| 5 | του Ἄρεως, ἀτακτησάντων κατὰ καιρὸν τοῦ |
| ἔθνους τῶν Βουγαειτῶν ἀπεστίλαμεν τοὺς | |
| ἡμετέρους ἀδελφοὺς Σαζανᾶν κ(αὶ) τὸν Ἀδιφᾶν | |
| τούτους πολεμῆσαι καὶ παραδεδωκότων αὐ- | |
| τῶν ὑποτάξαντες αὐτοὺς ἤγαγον πρὸς ἡμᾶς | |
| 10 | μετὰ καὶ τοῦ ὄχλου αὐτῶν ὅλου καὶ τῶν θρεμμά- |
| των, βοῶν ͵γριβʹ καὶ προβάτων ͵ϛσκδʹ καὶ νω- | |
| τοφόρων χοζʹ, θρέψαντες αὐτοὺς βόεσίν τε | |
| καὶ ἐπισιτισμῷ ἀννών(ης), οἴν(ῳ) τε κ(αὶ) ὑδρομέλιτι, | |
| ζύτῳ κ(αὶ) ὑδρεύμασιν εἰς χορτασίαν ἐπὶ μῆνας | |
| 15 | τέσσαρας οἵτιναις {²⁶οἵτινες}²⁶ ἦσαν τὸν ἀριθμὸν ͵δυκʹ, |
| ἀννωνευόμενοι καθ’ ἑκάστην ἡμέραν ἄρτους | |
| σιτίνους μυ(ριάδας) βʹ ͵β, ἄχρεις {²⁶ἄχρις}²⁶ αὐτοὺς μετοικίσωμεν. | |
| τούτους οὖν ἐνεχθέντας πρὸς ἡμᾶς, δωρησά- | |
| μενοι αὐτοῖς πάντα τὰ ἐπιτήδια καὶ ἀμφιάσαν- | |
| 20 | τες, μετοικίσαντες αὐτοὺς κατεστήσαμεν ἴς τι- |
| να τόπον τῆς ἡμετέρας χώρας καλούμενον | |
| Μάτλια καὶ ἐκελεύσαμεν αὐτοὺς πάλιν ἀννω- | |
| νεύεσθαι ἐπὶ τοῖς ἐκῖσε τόποις, παρασχόμενοι | |
| ἑκάστῳ βασιλίσκῳ αὐτῶν βόας ͵δρϟʹ ἢ | |
| 25 | ὡς γίνεσθαι τοῖς ἕξασιν βασιλίσκοις βόας μυ(ριάδας) βʹ ͵ερμʹ· |
| ὑπὲρ δὲ εὐχαριστίας τοῦ μαι γεννήσαντος | |
| ἀνικήτου Ἄρεως ἀνεθήκαμεν αὐτῷ ἀνδρι- | |
| άντα χρύσαιον ἕνα κ(αὶ) ἀργύραιον ἕνα κ(αὶ) χαλκαίους | |
| τρὶς καὶ ἀνέθηκα ταύτην τὴν στήλην καὶ παρε- | |
| 30 | θέμην αὐτὴν τῷ οὐρανῷ καὶ τῇ γῇ καὶ τῷ μαι {²⁶με}²⁶ |
| γεννήσαντι ἀνικήτῳ Ἀρέει· εἴ τις οὖν τοῦτον | |
| ἀδικῆσαι βουληθῇ, ἐξολεθρεύσῃ αὐτὸν ὁ θε[ὸς] | |
| τοῦ οὐρανοῦ καὶ τῆς γῆς ἐκριζῶν καὶ μὴ ὑπάρ- | |
| [χ]ῃ αὐτοῦ ὄνομα ἐν γῇ ζώντων· καὶ εὐχαρι<σ>- | |
| 35 | τήσαντες ἀνεθήκαμεν ἐπ’ ἀγαθῷ· palm |
| εὐθὺς ἀνεθήκαμεν δὲ τῷ ἀνικήτῳ | |
| Ἀρέει ϹΟΥΑΤΕ καὶ ΒΕΔΙΕ. |