[ ] Ark. — Orchomenos — sh. aft.235 bc — IG V,2.344
— — —
1 {²(§1)}² ․․․․․․ παρ̣αβαίνη̣ι̣ — — —
μ̣ον πέμπηι εἴτε ἄρχω[ν — — — — — — — — — — — — — — — — — — — — εἰ]-
π̣έοι εἴτε ἰδ̣ιώτας ψαφοφορ̣έοι [— — — — — — — — — — — — — — — ὀφλέτω]
τριάκοντα̣ τάλαντα ἱερὰ τοῦ Δι̣ὸ[ς τοῦ Ἁμαρίου, καὶ ἐξέστω τῶι στραταγῶι δίκαν]
5 [θ]ανάτου εἰσάγειν εἰς τὸ κοινὸν τ[ῶν Ἀχαιῶν. v {²(§2)}² κατὰ τάδε ὀμνυόντων τὸν ὅρκον τὸν]
α̣ὐ̣τὸν οἱ Ὀρχομένιοι καὶ οἱ Ἀχαιοί, ἐμ μὲ̣[ν Αἰγίωι οἱ δαμιοργοὶ τῶν Ἀχαιῶν καὶ ὁ στρα]-
[τ]αγὸς καὶ ἵππαρχος καὶ ναύαρχος, ἐν δ̣ὲ̣ [Ὀρχομενῶι οἱ ἄρχοντες τῶν Ὀρχομενί]-
[ων]· ὀ̣[μ]νύω Δία Ἁμάριον, Ἀθάναν Ἁμαρίαν, Ἀφρ̣[οδ]ίτ̣α̣[ν καὶ τοὺ]ς θ[εοὺς πάντας, ἦ μὴν ἐν]
π̣ᾶσι̣ν̣ ἐμμε[ν]ε̣ῖν ἐν τᾶι στάλαι καὶ τᾶι ὁμολογίαι καὶ τῶι ψαφίσματι [τῶι γεγονότι τῶι]
10 [κοι]ν[ῶι] τῶι τ[ῶ]ν Ἀχαιῶν, καὶ εἴ τίς κα μὴ ἐμμένηι, οὐκ ἐπιτρέψω εἰς δύναμ̣[ιν, καὶ εὐορ]-
[κέ]οντι μέν μοι εἴη τἀγαθά, ἐπιορκέοντι δὲ τἀναντία. v {²(§3)}² τῶν δὲ λαβόντων ἐν Ὀρ[χο]-
[μενῶι] κλᾶρον ἢ οἰκίαν, ἀφ’ οὗ Ἀχαιοὶ ἐγένοντο, μὴ ἐξέστω μηθενὶ ἀπαλλοτριῶ-
[σα]ι ἐτέων εἴκ̣οσι. v {²(§4)}² εἰ δέ τι ἐκ τῶν ἔμπροσθε χρόνων ἢ οἱ Ὀρχομένιοι Ἀχαιοὶ ἐγέ-
[νον]το Νεάρχ[ω]ι ἔγκλημα γέγονεν ἢ τοῖς υἱοῖς, ὑπότομα εἶμεν πάντα, καὶ μ[ὴ]
15 [δικαζέ]σ̣θω μήτ̣ε̣ Νεάρχωι μηθεὶς μήτε τοῖς υἱοῖς αὐτοῦ μηδὲ Νέαρχος μηδὲ [τῶν]
[υἱ]ῶ̣ν̣ α̣ὐ̣τοῦ μηθε̣ὶς̣ περὶ τῶμ πρότερον ἐγκλημάτων ἢ οἱ Ὀρχομένιοι Ἀχαιοὶ ἐγ[έ]-
[νο]ν̣[τ]ο̣· [ὃς δ]ὲ̣ δικάζοιτο, ὀφλέτω χιλίας δραχμάς, καὶ ἁ δίκα ἀτελὴς ἔστω. v {²(§5)}² περ[ὶ]
[δὲ τᾶς Νί]κ̣α̣ς̣ τ̣ᾶς χρυσέ[α]ς τοῦ Διὸς τοῦ Ὀπλοσμίου, ἃγ καταθέντες ἐνέχυρα οἱ Μεθυ[δρι]-
[εῖς οἱ μετοική]σα̣ντες ε[ἰ]ς Ὀρχομενὸν διείλοντο τὸ ἀργύριον καί τινες αὐτῶν ἀπήν[εγ]-
20 [καν εἰς Μεθύδρ]ι[ο]ν, ἐὰμ μὴ ἀποδιδῶντι τὸ ἀργύριον τοῖς Μεγαλοπολίταις, καθὼς ἐξ[ε]-
[χώρησεν ἁ πό]λις τῶν Ὀρχομενίων, ὑποδίκους εἶμεν τοὺς μὴ ποιοῦντας τὰ δίκαια.
Search Help
Contact Us