[ ]
Kypros — Salamis: Agios Sergios — 1st c. AD? — SEG 6.802
| 1 | εἴ τις ἐπὶ τὸν τάφον ἐλ- |
| θεῖν βασιλεὺς ἢ τύραννος | |
| ἢ στρατηγὸς ἢ οἱοσδήποτε | |
| ἀνὴρ ἢ γυνὴ προσελεύσε- | |
| 5 | ται <ἢ> ἀρεῖ τι τῶν συνταφέντων |
| αὐτοῖς ἢ νεκρὸν σκυλεύσει ἢ | |
| αὐτοὺς μεταθήσει εἰς τόπον | |
| ἄλλον ἢ ὑπ’ ἄστρα δείξει, ὑμεῖς | |
| δαίμονες ἐνκότιοι αὐτῷ γέ- | |
| 10 | νοισθε καὶ μήτε ποσὶν μήτε |
| γόνασιν μήτε ὀφθαλμοῖς ὁλό- | |
| κληρος γλυκερὸν φάος ὁράτω, | |
| καὶ μήτε βίον ἴσχοι στάσιμον, | |
| μήτε γάμον, μήτε τέκνον | |
| 15 | ἴσχοι διόλου, μήτε ἀγαθόν τι |
| ποιῶν χάριν ἢ κόρον ἴσχοι | |
| μήτε κακόν τι ποιῶν λάθοι, | |
| ἀλλ’ ἐν βασάνοις ἀπόλοιτο | |
| καὶ ἐξώλης καὶ πανώλης | |
| 20 | γένοιτο· καὶ γένοιτο αὐτῷ |
| τὰ νοητὰ ἀνόητα, τὰ εὔπο- | |
| ρα ἄπορα, τὰ πράξιμα ἄπρα- | |
| κτα, τὰ νόστιμα ἄνοστα, | |
| τὰ πλωτὰ ἄπλωτα, τὰ κάρπι- | |
| 25 | μα ἄκαρπα, τὰ σπόριμα |
| ἄσπορα, τὰ γόνιμα ἄγονα, | |
| τὰ γλυκέα πικρά, τὰ εὐτυχῆ | |
| ἀτυχῆ, τὰ λαμπρὰ μέλανα, τὰ | |
| ἱλαρὰ λυπηρά, τὰ ζῶντα νε- | |
| 30 | κρά, τὰ γενέσια πένθιμα· καὶ |
| μήτε παρὰ τῇ γῇ μητρὶ τε- | |
| λευτήσας τόπον ἴσχοι μήτε | |
| ψυχὴν αὐτοῦ ὑπὸ χθόνα | |
| προσδέξοισθε, ἀλλ’ ἀνόδυρ- | |
| 35 | τος, ἄκλαυστος, ῥηπιξόμε- |
| νος πρὸς κύνα δεινὸν καὶ | |
| ἐχιδνῆς φυσήματος ἔστω. |